Archive

Archive for the ‘દલપતરામ’ Category

ઋતુઓનું વર્ણન – દલપતરામ

November 17, 2013 Leave a comment

શિયાળે શીતળ વા વાય પાન ખરે ઘઉં પેદા થાય,
પાકે ગોળ કપાસ કઠોળ, તેલ ધરે ચાવે તંબોળ,
ધરે શરીરે ડગલી શાલ, ફાટે ગરીબ તણા પગ ગાલ,
ઘટે દિવસ ઘણી મોટી રાત, તનમાં જોર મળે ભલી ભાત…

ઉનાળે ઊંડા જળ જાય, નદી સરોવર જળ સુકાય,
પામે વનસ્પતિ સૌ પાન, કેસૂડાં રૂડાં ગુણવાન,
સારા હોજ ફુવારા બાગ, પ્યારા ચંદન પંખા લાગ,
બોલે કોયલ મીઠાબોલ, તાપ પડે તે તો વણ તોલ…

ચોમાસું તો ખાસું ખૂબ, દીસે દુનિયા ડૂબાડૂબ,
લોક ઉચ્ચારે રાગ મલાર, – ખેતર વાવે ખેતીકાર,
ચંપા ચમેલી જૂઈ જાય, ફૂલ ગુલાબ ભલા ફુલાય,
છત્રી ચોમાસે સુખ માટ, ચાખડીઓ હીંડોળાખાટ…

ઊંટ કહે – દલપતરામ

August 26, 2013 Leave a comment

ઊંટ કહે આ સમામાં વાંકા અંગવાળાં ભુંડાં,
ભૂતળમાં પક્ષીઓ ને પશુઓ અપાર છે…

બગલાની ડોક વાંકી પોપટની ચાંચ વાંકી,
કુતરાની પુંછડીનો વાંકો વિસ્તાર છે…

વારણની સુંઢ વાંકી વાધના છે નખ વાકાં,
ભેંશને તો શીર વાંકાં શીંગડાંનો ભાર છે…

સાંભળી શિયાળ બોલ્યો દાખે દલપતરામઃ
અન્યનું તો એક વાંકું આપનાં અઢાર છે…

– દલપતરામ

હુડલો – વાત વાતમાં થેંક્યું

April 11, 2011 Leave a comment

વાત વાતમાં થેંક્યું, ને વાત વાતમાં સોરી,
એક હતો ભમરડો, ને એક હતી દોરી,
તોપમાં તો ગોળો ચઢે, ને બંદૂકમાં ચઢે ગોળી,
ભોજો ભગત એમ ભણે ફાગણ મહિને હોળી

નાનો હતો ત્યારે શાહુબદ્દીન રાઠોડની કેસેટમાં સાંભળેલું. “પણ આટલું મને યાદ ર્યું, હોં..” 🙂

ઉપરોક્ત કાવ્યરચના ‘હુડલા’ તરીકે ઓળખાય છે, એટલે કે ઉખાણાં જેવી ઝડપી કાવ્યરચના. આવી કાવ્ય રચનાઓ માટે ક.દ.ડા. (કવિ દલપતરામ ડાહ્યાભાઈ) જાણીતાં છે.