Home > આદિલ મન્સૂરી, ગઝલ > શ્વાસ ગૂંગળાય નહીં – ‘આદિલ’ મન્સૂરી

શ્વાસ ગૂંગળાય નહીં – ‘આદિલ’ મન્સૂરી

September 14, 2012

જે વાત કહેવી છે શબ્દોથી જીરવાય નહીં,
પરિસ્થિતિ વિષે ચૂપ પણ રહી શકાય નહીં…

રહે છે કોણ આ દર્પણના આવરણ નીચે,
હું રોજ જોઉં છું તો પણ એ ઓળખાય નહીં…

નથી જગા હવે આગળ કદમ ઉઠાવાની,
ને આ તરફ હવે પાછા ફરી શકાય નહીં…

યુગોની આંખમાં એ ખૂંચશે કણી થઇને,
હવે એ ક્ષણને નિવારીય પણ શકાય નહીં…

નથી તિરાડ કોઇ કે હવા પ્રવેશી શકે,
અને છતાંય અહીં શ્વાસ ગૂંગળાય નહીં…

– ‘આદિલ’ મન્સૂરી

Advertisements
%d bloggers like this: